Gənclərin çağırışaqədərki hazırlığından fəal dərs nümunəsi

Fənn:  Gənclərin    çağırışaqədərki  hazırlığı Sinif:  10 Mövzu: Kalaşnikov avtomatının (AK-74) quruluşu və təyinatı. Standart: 2.2.1.Atıcı silahları  və onların taktiki-texniki göstəriciləri barədə təqdimatlar edir. Məqsəd: * AK 74-ün təyinatını aydınlaşdırır; * Taktiki-texniki göstəriciləri barədə məlumat verir; * Hissələrini sadalayır; İnteqrasiya: Fizika 2.2.1., Kimya 2.1.4., Azərbaycan dili 1.2.4. İş forması: Kollektivlə  iş, qruplarla iş. İş  üsulları:   Beyin həmləsi, müzakirə, anlayışın çıxarılması. Resurslar: Dərslik, plakatlar və videomateriallar, noutbuk, proyektor, flamastr, iş vərəqləri. Dərsin gedişi: Sagirdlərlə salamlaşma, davamiyyətin yoxlanılması. Motivasiyanın yaradılması:  Bu məqsədlə müəllim anlayışın çıxarılması üsulundan istifadə edərək, şagirdlərin diqqətini atıcı silah olan  Kalaşnikov avtomatına ( AK74 ) istiqamətləndirir. AZƏRBAYCAN MÜƏLLİMİ qəzetinə keçid.

Gənclərin çağırışaqədərki hazırlığı fənninin əhəmiyyəti və hədəfləri.

Qeyd edək ki, GÇH Nazirlər Kabinetinin 1998-ci il 29 may tarixli 119 saylı qərarı ilə təsdiq olunmuş "Gənclərin çağırışaqədərki hazırlığı" Əsasnaməsi ilə tənzimlənir və tədris olunur. Bu əsasnamənin I bəndinə əsasən "Gənclərin çağırışaqədərki hazırlığı" fənni, Azərbaycan Respublikasının Konstitusiyasına, Azərbaycan Respublikası Prezidentinin Fərmanlarına, "Təhsil haqqında" və "Hərbi xidmətə çağırışın əsasları haqqında" Azərbaycan Respublikasının qanunlarına, Nazirlər Kabinetinin qərarlarına, bu Əsasnaməyə və digər normativ-hüquqi aktlara əsasən həyata keçirilir. Gənclərin çağırışaqədərki hazırlığı, adından da göründüyü kimi, gənclərin Silahlı Qüvvələrdə xidmətəqədərki hazırlığının tərkib hissəsidir. Azərbaycan Respublikasının müdafiəsi üçün orduya çağırılan hər bir gənc hərbi hazırlığın gedişi prosesində Azərbaycan Respublikasının Konstitusiyasını, Respublika Silahlı Qüvvələrinin vəzifələrini, xüsusiyyət və əhəmiyyətini, hərbi qulluğun hər bir vətəndaşın müqəddəs borcu olduğunu dərk etməlidir. Gənclər hərbi andın tələblərini, hərbi nizamnamələri öyrənir, hərbi hissənin silah və sursatları, hərbi texnikası, şəxsi heyətin yerləşdirilməsi və sosial-məişət tərzi ilə tanış olur, qulluq etmiş gənc əsgərin hazırlığı həcmində nəzəri hərbi biliklərə və praktik vərdişlərə yiyələnir, mülki müdafiənin əsaslarını, kütləvi təbii və texnogen xarakterli fövqəladə halların nəticələrindən  mühafizə  və kütləvi qırğın silahlarından müdafiə olunma üsullarını öyrənirlər. Azərbaycan müəllimi qəzetinə keçid.

Müəllimlərin bilik və səriştəsinin sınaq qiymətləndirilməsi barədə ən çox verilən suallar

Müəllimlərin bilik və səriştəsinin sınaq qiymətləndirilməsi.

• Sual: Sınaq Qiymətləndirmədə kimlər iştirak edəcək?
• Cavab: Sınaq Qiymətləndirmədə Bakı məktəblərində daimi müəllim vəzifəsini tutan müəllimlər və analıq məzuniyyəti yerinə müddətli müqavilə ilə işləyən müəllimlər
(digər ümumtəhsil müəssisəsində müəllim işləyən əvəzçilər istisna olmaqla) iştirak edəcəkdir.
• Sual: Sınaq Qiymətləndirmədə kimlər iştirak etməyəcək?
• Cavab: Qiymətləndirmədə məktəb direktorları, direktor müavinləri, psixoloqlar, laborantlar, uşaq birliyi rəhbərləri, sosial məzuniyyətdə olan və müvəqqəti əmək qabiliyyətini itirən müəllimlər iştirak etməyəcəkdir.
• Sual: Sınaq qiymətləndirmənin attestasiyadan fərqi nədir?
• Cavab: Təhsil Nazirliyi tərəfindən keçirilən qiymətləndirmə sınaq xarakter daşıyır. Burada əsas məqsəd yaradıcı düşüncəni inkişaf etdirən, təhsilalanın fərdi xüsusiyyətlərini, stimullaşdırma və karyera inkişafını nəzərə alan, səriştənin artırılmasına xidmət edən modelin yaradılması və müəllimlərin peşəkarlıq səviyyəsinin yüksəldilməsidir. Effektiv və harmonik təhsil mühitini yaradılması təhsilalanlara əldə etdikləri biliklərin tətbiq etməsi üçün çox vacibdir. Bu mühitin yaradılması dünya təcrübəsində də istinad edildiyi kimi, təhsilalanların peşəkar bilik və bacarıqlarının vaxtaşırı monitorinqindən keçir.

HEYDƏR ƏLİYEV VƏ AZƏRBAYCAN RESPUBLİKASI SİLAHLI QÜVVƏLƏRİNİN YARADILMASI VƏ İNKİŞAFI

Azərbaycan Respublikası 21 il əvvəl öz dövlət müstəqilliyini bərpa edərkən artıq Ermənistan Respublikası ilə müharibə vəziyyətində idi. Tarix boyu Azərbaycana qarşı ərazi iddiasında olan ermənilər onlara havadarlıq edən və ölkəmizi parçalamaq, onun müstəqilliyinə mane olmaq istəyən digər qüvvələrlə birlikdə torpaqlarımızın bir hissəsini işğal etmişdilər. O zaman Azərbaycana rəhbərlik edən şəxslər qətiyyətsizlik və iradsizlik nümayiş etdirərək Silahlı Qüvvələri yarada bilmədilər.
Ordu quruculuğunda düzgün siyasətin yeridilməməsi nəticəsində xalqın orduya etdiyi yardımlara, ayrı-ayrı döyüşlərdə xalqımızın vətənpərvər və igid oğullarının düşmənə layiqli müqavimət göstərmələrinə baxmayaraq, Silahlı Qüvvələr bütövlükdə uğursuzluğa düçar oldu.
Bütün bunların nəticəsində erməni Silahlı Qüvvələri Azərbaycan torpaqlarının 20 faizini zəbt etmiş, bir milyondan artıq vətəndaşımızı öz yurdlarından didərgin salmış, on minlərlə insanı məhv etmişdir.
Yalnız Heydər Əliyevin 1993-cü ildə xalqın tələbi ilə hakimiyyətə gəlməsi və Azərbaycan Respublikasının Prezidenti seçilməsi vəziyyəti kökündən dəyişdi, respublikamızda ordu quruculuğu sahəsində mühüm tədbirlərin həyata keçirilməsinə güclü təkan verdi, cəbhədə vəziyyətin müsbət istiqamətdə inkişafına şərait yaratdı.

Ulu öndər Heydər Əliyev və Azərbaycan təhsili

Azərbaycanda yerli hərbi kadrların yetişdirilməsi sahəsində də ulu öndərin böyük xidməti var. Təkcə bir faktı qeyd etmək lazımdır ki, Naxçıvanski adına hərbi məktəbin tikilməsi də, açılması da ulu öndərin adı ilə bağlıdır. Azərbaycanda bir sıra universitetlərin yaradılması, Azərbaycan universitetlərində yeni ixtisasların yaradılması, Tələbə Qəbulu üzrə Dövlət Komissiyasının yaradılması, bütün bunlar hamısı ulu öndərin adı ilə bağlıdır”.
Heydər Əliyev 2000-ci il iyunun 13-də "Azərbaycan Respublikasında təhsil sisteminin təkmilləşdirilməsi haqqında" yeni fərman imzaladı. Fərman təhsil sisteminin əsaslı şəkildə inkişafına, idarəetmənin müasir prinsiplər üzrə təşkilinə, təhsil sisteminin beynəlxalq standartlara uyğunlaşdırılmasına və dünya təhsil sisteminə inteqrasiyasına zəmin yaratdı. 2002-ci ilin sentyabrında Suraxanı rayonundakı 275 nömrəli məktəbdə olarkən Heydər Əliyev bu barədə demişdir: "Mən bu gün bəyan edirəm ki, yaxın zamanlarda Azərbaycanda məktəb tikintisi, məktəblərin müasir avadanlıqlarla təmin olunması və təmir edilməsi ilə əlaqədar ciddi tədbirlər haqqında öz təkliflərimi irəli sürəcəyəm". Və çox keçmədi ki, həmin ilin oktyabr ayında "Azərbaycan Respublikasında ümumtəhsil məktəblərinin maddi-texniki bazasının möhkəmləndirilməsi haqqında" sərəncam imzalandı. Bu sərəncam məktəblərdə təlim şəraitinin və təlim mühitinin yaradılmasında ciddi dönüşə səbəb oldu. Nəinki, təhsil siyasətinin həyata keçirilməsində, ümumən, ölkənin bütün sahələrində inkişafın təmin edilməsi üçün ümummilli lider Heydər Əliyev əlindən gələn hər nə varsa, onu heç vaxt xalqından əsirgəməyib.
Heydər Əliyev həyatın ona bəxş etdiklərini xalqının rifahı üçün çəkinmədən sərf etdi. Elə buna görə də xalq-Heydər -deyəndə bu fenomen insan da yalnız xalqım deyərək, onların üzündə təbəssüm və xoşbəxtlik ləçəyini yetişdirmək üçün çalışdı. Böyük əmək və zəhmət bahasına ölkəsini zirvələrə ucaltmaqla bərabər, özü də zirvələrə ucaldı. Ancaq, bütün dünyanın beynində və xalqının qəlbində özünə əbədilik qazandı. 
Mənbə : http://www.kepeztv.az

Orta məktəblər təlim silahları və atış trenajorları ilə təchiz olunacaq

Azərbaycanda  geniş vüsət  alan ümumtəhsil məktəblərinin  tikintisi  və əsaslı  təmiri bir  vətəndaş  və  müəllim  olaraq  məni  də  sevindirir. Hərbi  Rəhbəri  olduğum  Sumqayıt Şəhəri   Fars- İngilis Dilləri  Təmayüllü  İnternat  Məktəb də yenicə  əsaslı  təmirdən  çıxıb.Yenicə  şad  bir  xəbər  də  aldıq.. .Azərbaycanda orta məktəblərin təlim silahları və atış trenajorları ilə təchizatı planlaşdırılır.
“AzeriDefence”nin məlumatına görə, bunu açıqlamasında müdafiə sənayesi naziri Yavər Camalov bildirib.

Hazırda bu istiqamətdə Təhsil Nazirliyi və Səfərbərlik və Hərbi Xidmətə Çağırış üzrə Dövlət Xidməti ilə danışıqların aparıldığını deyən Y. Camalov Müdafiə Sənayesi Nazirliyinin bu ehtiyacları qarşılamaq imkanında olduğunu vurğulayıb.

Sumqayıtda məktəblilərin təntənəli hərbi paradı - FİTİM2014

Hər il olduğu kimi, bu ildə də ümummilli lider Heydər Əliyevin doğum günü şəhərimizin idarə və müəssisələrində, təhsil, səhiyyə, mədəniyyət ocaqlarında və bütün əmək kollektivlərində yüksək səviyyədə qeyd edildi.  Müstəqil Azərbaycan dövlətinin banisi Heydər Əliyev dövlətçiliyin əsas atributlarından biri kimi milli ordu quruculuğuna çox böyük diqqət yetirmiş, hər kəsin bu sahəyə qayğı və həssaslıqla yanaşmasını tövsiyə etmişdir. Ulu öndərin tövsiyələrinə uyğun olaraq gənclər arasında milli orduya sevgini və inamı artırmaq, gələcəyin nümunəvi əsgərini yetişdirmək, sözün əsl mənasında vətənpərvər olmağı təbliğ etmək məqsədilə Sumqayıt məktəblərində şagirdlərin hərbi-vətənpərvərlik tərbiyəsi işinə xüsusi önəm verilir, "Azərbaycanın dövlətçilik tarixi" mövzusunda silsilə tədbirlər çərçivəsində konfranslar, müxtəlif idman oyunları, yarışlar və hərbi paradlar keçirilir. Bu tədbirlərin yekunu olan mayın 6-da ulu öndərin abidəsi önündə təşkil olunmuş paradda Sumqayıt şəhərinin tam orta məktəblərini təmsil edən 47 məktəbin  "Şahin" komandaları,  ibtidai siniflərdə təhsil alan balaca "hərbçilər" də  olmaqla 3 mindən çox məktəbli iştirak etmişdir. Paradda yuxarı sinif şagirdləri ilə yanaşı, milli ordunun texnika və əsgərləri, hərbi orkestr, texniki yaradıcılıqla məşğul olan uşaqların düzəltdikləri tank və digər hərbi texnika  və 20 atlı dəstə də  iştirak etmişlər. Sumqayıt Şəhər İcra Hakimiyyətinin başçısı Eldar Əzizov, şəhərin ayrı-ayrı idarə və təşkilatlarının, hüquq-mühafizə orqanlarının rəhbərləri, müharibə veteranları, təhsil işçiləri, məktəblilər, ümumiyyətlə, 10 minlərlə şəhər  sakini paradı izləmişdir. Məktəblilərin paradı ulu öndər Heydər Əliyevin əzəmətli abidəsi önündən keçərək şəhərin küçələri boyunca müxtəlif istiqamətlərdə hərəkət etmişdir ki, bu da şəhər sakinlərində, ictimaiyyətdə böyük ruh yüksəkliyi yaratmış, gənclərimizin hərbi-vətənpərvərlik ruhunu daha da artırmışdır. Hərbi Rəhbərim olduğum FİTİM -də bu paradda 2013-cü ildə olduğu kimi layiqincə iştirak etmişdir.

                                        

ŞAGİRDLƏRİMİZİN  PARADA  HAZIRLIQ  MƏŞQLƏRİ.

Hər  il  ənənəvi  olaraq  Sumqayıt  şəhərində  hərbi parad  keçirilir.Bu  tədbir  şagirdlərimizin  vətənpərvər  və  layiqli  vətəndaş  kimi yetişməsinə  xidmət edir. Fars-ingilis  dilləri təmayüllü  internat  məktəbinin  komandası  məşqlərə başlamışdır.Komandanın 49 üzvü  məşqlərdə fəal  iştirak edir.Təlim və məşqləri BBAKM məzunu , cəbhə bölgəsində 15 il zabit  xidmətləri olan baş leytenant ,FİTİM-in Hərbi Rəhbəri Vasif Ramazanov  şəxsən özü aparır.

 

NİZAM-İNTİZAM  QƏLƏBƏNİN   RƏHNİDİR!!!

                              TƏLİMDƏ  TƏR TÖKƏN  DÖYÜŞDƏ QAN TÖKMƏZ !!!

       
     HƏR   ŞEY   VƏTƏN   ÜÇÜN !!!

                                                      VƏTƏN  SƏNƏ  CANIM  FƏDA  !!!

 VƏTƏNƏ   MƏHƏBBƏT  ,DÜŞMƏNƏ   NİFRƏT  NİFRƏT  NİFRƏT!!!

 ASLANIN   ERKƏYİ   DİŞİSİ   OLMAZ !!!

 VƏTƏN   SAĞ   OLSUN !!!

AZƏRBAYCAN  ƏMİN  ƏLLƏRDƏDİR !!!