HƏR ŞEY VƏTƏN ÜÇÜN !!! : Gənclərin çağırışaqədərki hazırlığından fəal dərs nümunəsi

Fənn: Gənclərin çağırışaqədərki hazırlığı

Sinif: 10

Mövzu: Kalaşnikov avtomatının (AK-74) quruluşu və təyinatı.

Standart: 2.2.1.Atıcı silahları və onların taktiki-texniki göstəriciləri barədə təqdimatlar edir.

Məqsəd:

* AK 74-ün təyinatını aydınlaşdırır;

* Taktiki-texniki göstəriciləri barədə məlumat verir;

* Hissələrini sadalayır;

İnteqrasiya: Fizika 2.2.1., Kimya 2.1.4., Azərbaycan dili 1.2.4.

İş forması: Kollektivlə iş, qruplarla iş.

İş üsulları: Beyin həmləsi, müzakirə, anlayışın çıxarılması.

Resurslar: Dərslik, plakatlar və videomateriallar, noutbuk, proyektor, flamastr, iş vərəqləri.

Dərsin gedişi: Sagirdlərlə salamlaşma, davamiyyətin yoxlanılması.

Motivasiyanın yaradılması: Bu məqsədlə müəllim anlayışın çıxarılması üsulundan istifadə edərək, şagirdlərin diqqətini atıcı silah olan Kalaşnikov avtomatına ( AK74 ) istiqamətləndirir.

AZƏRBAYCAN MÜƏLLİMİ qəzetinə keçid.

Problem sual: Hansı xüsusiyyətlərinə görə Kalaşnikov avtomatı daha çox istifadə olunan silahdır?

Tədqiqatın aparılması: Tağım (sinif) 3 manqaya (qrupa) bölünür və qruplara adlar verilir ("Şuşa", "Zəngilan", "Laçın"). Hər qrupa eyni səviyyədə hazırlanmış iş vərəqləri paylanılır. Verilmiş vaxt ərzində manqalar tapşırığı yerinə yetirir və təqdimata hazırlaşır.

İş vərəqləri:

"Şuşa" manqası - Ka

laşnikov avtomatının təyinatı

1. Hansı yanlışdır?

a) odlu silahdır.

b) fərdi silahdır.

c) nüvə silahıdır.

d) atıcı silahdır.

2. Kalaşnikov avtomatı nə üçün təyin olunmuşdur?

a) Zirehli texnikanı məhv etmək üçün.

b) Körpüləri partlatmaq üçün.

c) Təlim məşqləri üçün.

d) Düşmənin canlı qüvvəsini məhv etmək üçün.

3. Kalaşnikov avtomatının hansı atəş növləri var?

a) mexaniki.

b) tək-tək və avtomatik.

c) cüt-cüt.

d) tək-tək fasilələrlə.

"Zəngilan" manqası - Kalaşnikov avtomatının döyüş xüsusiyyətləri:

Plakatdan istifadə edərək göstəriciləri təyin edin.

1. Lülənin çapı

2.Təsirli atəş məsafəsi

3.Atəşin nişangah məsafəsi

4.Atəşin sürəti

5.Avtomatın dolu daraqla çəkisi

6.Güllənin ən uzaq uçuş məsafəsi

7.Güllənin başlanğıc sürəti.

"Laçın" manqası - Kalaşnikov avtomatının ümumi quruluşu:

Plakata əsasən avtomatın çatışmayan hissələrini tamamlayın.

1.Lülə-lülə qutusu, nişangah tərtibatı - qundaqla birlikdə;

2. _______

3.Çaxmaq çərçivəsi qaz porşeni ilə birlikdə;

4. _______

5.Qaytarıcı mexanizm;

6.Qaz borucuğu -lülə üstlüyü ilə birlikdə;

7. _______

8.Lülə yatağı;

9. _______

10.Süngü-bıçaq;

11. _______

12.Sünbə.

Məlumat müzakirəsi və mübadiləsi: Manqalara verilən tapşırıqları manqa komandirləri təqdimat şəklində bütün tağıma (sinfə) çatdırır. Bu zaman yeni məlumatların müzakirəsi və mübadiləsi GÇH rəhbəri tərəfindən məqsədyönlü şəkildə nəzarətdə saxlanılır və düzgün istiqamətləndirilir.

Nəticənin çıxarılması: Manqaların təqdimatından alınan yekun fikirlər GÇH Rəhbəri tərəfindən ümumiləşdirilir və nəticələr çıxarılır:

- Kalaşnikov avtomatı fərdi silah olub, düşmənin canlı qüvvəsini məhv etmək üçün təyin olunmuşdur.

- Avtomatın iş prinsipi, atəş zamanı yaranan barıt qazlarının enerjisinə əsaslanır.

- Kalaşnikov avtomatı - Sovet konstruktoru Kalaşnikov tərəfindən icad edilmişdir.

- Avtomatik rejimli döyüş silahı olub dünyada ən geniş yayılmış odlu silahdır.

- Həm tək, həm də avtomat rejimdə ardıcıl atəşaçma qabiliyyətinə malikdir.

- Yüksək etibarlığı və sadə qulluq olunması ilə fərqlənir.

Yaradıcı tətbiqetmə: Praktik olaraq, şagirdlər öyrəndiklərini GÇH rəhbərinin nəzarəti altında tədris silahı (AK74) üzərində tətbiq edirlər. Bu zaman təhlükəsizlik qaydaları mütləq şəkildə şagirdlərə çatdırılır.

Qiymətləndirmə: Şagirdlərin və manqaların (qrupların) fəaliyyəti dərsin istənilən mərhələsində səviyyələr üzrə qiymətləndirilə bilər. Şagird qiymətləndirilməsi şagird gündəliyində və müəllimin şəxsi qeydlər dəftərində aparılır.